Entrevista para el Telexornal Fin de semana TVG - Publicado el 21/02/2015 21:23
http://www.crtvg.es/informativos/drons-para-controlar-as-obras-de-construcion-1019770
Están de actualidade os drons e as súas múltiples
aplicacións prácticas. A Raúl Díaz, que estuda Arquitectura Técnica na Coruña,
ocorréuselle utilizalos para mellorar a xestión nas obras de construción. A
aplicación está baseada nun sistema de códigos que achega información
exhaustiva sobre a actividade, a maquinaria e o material.
A palabra chave é control. Control da xestión de recursos a
través dun sistema de códigos e de etiquetas que identifica a maquinaria e o
material da obra e que proporciona información útil a través dun simple
dispositivo móbil.
"Podemos subir fotos ou incluír notas. Creamos unha
base de datos que detalla os custos de cada capítulo da obra, podemos ter o
xeoposicionamento da maquinaria, coñecer os datos do seu mantemento, as tarefas
que realiza..., todo o que queiramos."
Un dron realiza a lecturas dos códigos. Desde a comodidade
da oficina, un traballador pode saber que sucede e canto se gasta en cada
milímetro dunha obra.
"Podemos planificar a súa ruta, o despegue e a
aterraxe. Mandámolo pola obra e vai recompilando os códigos, achegando a
información e o xeoposicionamento da maquinaria dentro da obra."
Control exhaustivo que se traduce nun aforro estimado do
quince por cento. O sistema deseñado por Raúl é un exemplo da aposta que
realiza a Escola de Arquitectura Técnica da Coruña pola tecnoloxía aplicada á
xestión de custos.
"Na Escola hai un grupo de alumnos investigación a
aplicación das tecnoloxías na área de xestión. Hoxe en día o factor custo é
importantísimo."
Os alumnos xa exploran as posibilidades dos drons aplicados
ás tecnoloxías de construción.
No hay comentarios:
Publicar un comentario